Kryetari i grupit të PD-së, Enkelejd Alibeaj kërkoi në seancën e sotme të parlamentit futjen e diskutimit të çështjes së tensioneve në veri të Kosovës në Kuvend. “Të diskutohet situata e nëse është e mundur të dilet me një raport për situatën” kërkoi ai.
Kryetarja e Kuvendit, Lindita Nikolla tha se kërkesa e tij është marrë, por nuk komentoi më tej. Gjithashtu asnjë nga përfaqësuesit e shumicës socialiste nuk reagoi më tej për ta aprovuar ose jo.
Situata në veri të Kosovës është më e tensionuar se kurrë prej së shtunës, kur serbët kanë bllokuar rrugën me barrikada pas arrestimit të një ish-zyrtari të akuzuar nga policia e Kosovës.
