Enti Rregullator i Energjisë ka shfuqizuar vendimin për aplikimin e fashës 800 kilovat/orë abonentët familjare pasi qeveria vendosi që të mos e aplikojë atë edhe gjatë muajit dhjetor për shkak të përmirësimit të situatës energjetike në vend.
Për këtë vendim të ERE-s ka reaguar deputetja Jorida Tabaku, e cila është shprehur se ishte propozimi i saj një muaj më parë, “por mesa duket qeveria i ka paketuar argumentet me vulën e saj”.
“ERE ka miratuar heqjen e fashës 800 KWh një muaj pasi rrëzoi kërkesën time po për rrëzimin e kësaj fashe. Arsyet? Ato që paraqita unë një muaj më parë. Përse ERE miratoi kërkesën time një muaj më pas?
Me siguri ndihmë në ndërgjegjësimin e institucionit të pavarur ka luajtur dhe propozuesi ri, qeveria. Kjo e fundit ka qenë e vëmendshme në mbledhjet e ERE ku opozita ishte prezente. Mori argumentet i paketoi dhe i propozoi me vulën e saj.” ka shkruar Tabaku në Twitter.
ERE ka miratuar heqjen e fashës 800 KWh një muaj pasi rrëzoi kërkesën time po për rrëzimin e kësaj fashe. Arsyet? Ato që paraqita unë një muaj më parë. Përse ERE miratoi kërkesën time një muaj më pas?
— Jorida Tabaku (@jorida_tabaku) December 14, 2022
