Është bërë publike një video ku kryebashkiaku i Stambollit, Ekrem Imamoglu njoftohet për dënimin e tij nga gjykata turke.
Imamoglu u dënua me 2 vjet e 7 muaj burg për ofendim të nëpunësve publikë.
Në të njëjtën kohë, gjykata vendosi edhe heqjen e të drejtave politike për kryebashkiakun dhe një nga kundërshtarët kryesorë politikë të presidentit turk, Recep Tayyip Erdogan.
Siyasi yasak ve 2 yıl 7 ay 15 gün hapis cezasının öğrenilme anı! pic.twitter.com/iSFvVg3Kkl
— Murat Ongun (@Mrt_Ongun) December 15, 2022
Në videon ku Imamoglu mësoi për vendimin, duket se në sallë ndodhet edhe kryetarja e “Partisë së Mirë”, Meral Aksener.
“Një grusht njerëzish nuk mund ta marrin pushtetin e dhënë nga populli. Lufta jonë fillon më e fortë, me lejen e Allahut”, dëgjohet duke thënë Imamoglu.
52-vjeçari është pjesë e Partisë Popullore Republikane (CHP) dhe konsiderohet një kandidat i mundshëm në zgjedhjet presidenciale të qershorit kundër Rexhep Tajip Erdogan.
Akuza kundër tij lidhej me deklaratat që ai kishte bërë në vitin 2019, kur i quajti “idiotë” ministrin e Brendshëm Suleiman Soylou dhe anëtarët e Komisionit Zgjedhor, i cili anuloi rezultatin e zgjedhjeve komunale të marsit të atij viti.
