Kreu i kompanisë, Alexey Miller përmes një postimi në Telegram ka deklaruar se Gazprom ka nisur zbatimin e projektit që do ta bëjë Turqinë një qendër të gazit natyror dhe do të sigurojë çmime transparente në këtë treg të energjisë.
“Turqia dhe ne kemi filluar punën për krijimin e një qendre të gazit natyror në këtë vend. Ky vendim është marrë në nivel të liderëve të dy shteteve dhe tashmë kemi filluar zbatimin praktik të tij. Qendra e gazit do të sigurojë çmime transparente dhe të drejta në tregun e gazit”, tha Miller.
Në këtë kontekst, zëvendëskryeministri rus, Aleksandër Novakai vuri në dukje gjithashtu se po punohet për të formuar një qendër të gazit natyror në Turqi.
“Presidentët e Rusisë dhe Turqisë, Vladimir Putin dhe Tayyip Erdoğan , kishin urdhëruar më parë që çështja e krijimit të një qendre të gazit natyror në Turqi të përpunohej në detaje. Nëpërmjet kësaj nyje, në veçanti, është e mundur të lëvizin furnizimet me gaz natyror rus nga Rrjedhat Veriore Baltike të dëmtuara. Në të njëjtën kohë, ne po flasim jo vetëm për krijimin e një platforme tregtare në Turqi, por edhe për zhvillimin e infrastrukturës dhe rritjen e volumit të dërgesave në drejtimin jugor ”, shtoi zëvendëskryeministri.
Sipas Novak, vende të tjera si Algjeria, Katari dhe Azerbajxhani mund të marrin pjesë gjithashtu në qendrën e gazit natyror duke ofruar gjithashtu gaz natyror për Evropën në drejtimin jugor.
