Kryetari i PD-së, Sali Berisha akuzon se kryeministri i Shqipërisë, Edi Rama kishte lidhje shumë të ngushtë me Charles McGonigal, agjenti special që drejtonte divizionin e kundërzbulimit në Nju Jork gjatë periudhës 2016-2018, që u arrestua të shtunën.
Ish-kryeministri tha se njeriu që i ka dorëzuar ish-zyrtarit të FBI-së 225 mijë dollarë është Agron Neza, që në hetim referohet si ish-oficer i shërbimit sekret shqiptar vite më parë. Berisha më tej foli edhe për një tjetër emër, Dorian Duçka.
“Në dosjen e hetimit në SHBA, kërkohet që të hetohet cdo pagesë që i është dhënë nga Agron Neza, që paraqitej si këshilltar i Ramës dhe Dorian Duçka. Pagesat dhe dhuratat të hetohen, që Charles McGonigal ka dorëzuar nga 1 Prilli 2017 deri në shtator të vitit të kaluar. SHBA vuri në hetim Edi Ramën dhe këshilltarët e tij.
Është zbuluar se Edi Rama përmes Agron Nezës i ka dorëzuar Charles McGonigal 225 mijë dollarë në një dorë, 80 mijë dollarë në një dorë tjetër sipas mediave. Çfarë është zbuluar në këto lidhje të tmerrshme mafioze spiunazhi? Charles McGonigal ka përfaqësuar një nga bosët e mafies rus, Deparska” tha ai.
LIVE-Berisha: Lidhja e ngushtë e Ramës me ish-zyrtarin e lartë të FBI-së që u arrestua
