Policia italiane ka vëne në pranga 4 italianë dhe 2 shqiptarë në zonën e quajtur Villanova dhe Favale pasi trafikonin drogë.
Mediat italiane shkruajnë se arrestimi i tyre është bërë pas dy vitesh hetime ku rezulton se të rinjtë janë përfshirë në veprën penale të trafikut të drogës.
Në burg përfunduan 33-vjeçari Emiliano C. dhe 34-vjeçari Simone M.
E njëjta masë sigurie u njoftua edhe për dy të dyshuar të tjerë të ndaluar për krime të tjera.
Të cilët janë 33-vjeçari Giordano D., dhe 36-vjeçari Mirko F., tashmë të arrestuar javën e kaluar për rrëmbimin për zhvatje të një 21-vjeçari.
2 shqiptarët e përfshirë në hetim janë 23-vjeçari Endri T. dhe 22-vjeçari Kleni B. të cilëve iu vendos masa e sigurisë “arrest shtëpie”.
Hetimet filluan pasi një tregtar droge 34-vjeçar u qëllua në këmbë në lagjen Favale, një periferi midis Villanova di Guidonia dhe Campolimpido di Tivoli.
