Policia spanjolle ka arrestuar një 25-vjeçar shqiptar me akuzën e tentativës për të vrarë një bashkatdhetar 18-vjeçar tetorin e kaluar në Itali.
Arrestimi i të riut, u bë në një qytet rreth 70 kilometra larg Barcelonës, pranë Tarragonës, ku 25-vjeçari ishte strehuar pothuajse menjëherë në shtëpinë e miqve pas krimit të përgjakshëm që ndodhi në Carmignano.
Goditja me thikë që rrezikoi t’i kushtonte jetën 18-vjeçarit ndodhi pasditen e vonë të 9 tetorit në kopshtet e via Bicchi, pranë qendrës së Carmignano..18-vjeçari ka arritur të tërhiqet zvarrë në shtëpinë e parë dhe të thërrasë për ndihmë.
Së shpejti pritet që 25-vjeçari të ekstradohet në Itali për t’iu përgjigjur akuzave për tentativë vrasje.
