Gjykata e Posaçme ka dënuar me 40 orë punë publike kryetarin e bashkisë së Mallakastrës Qerim Ismailaj, që është zgjedhur nga radhët e Partisë Socialiste. Dy vite zgjati kjo dosje.
Ishte PD që e denoncoi se kishte fshehur një dënim në Greqi duke mos e deklaruar në formularin e vetëdeklarimit. SPAK e mori të pandehur dhe kërkoi dënimin e tij me një vit burg. Gjykata pranoi kërkesën.
Fakti që pranoi gjykimin e shkurtuar dënimi u reduktua në katër muaj dhe në fund gjykata vendosi konvertimin në 40 orë punë publike. Në dalje të gjyqit, kryetari i bashkisë tha se do ta apelojë. Mandatin nuk e rrezikon pasi vendimi nuk është i formës së prerë.
“Duke qenë i bindur në pafajësinë time të plotë por edhe duke ndjekur të gjitha procedurat do vazhdoj betejën në të gjitha shkallët e drejtësisë. S’do jap dorëheqjen nga mandati” tha ai.
