Presidenti serb Aleksandër Vuçiç ndodhet ende në takim me kryeministrin e Kosovës, por sërish ka ‘update-ar’ shtetasit serbë që e ndjekin me ëndje takimin që po zhvillohet në Bruksel. Vuçiç ka folur sërish nga Brukseli me një tjetër postim në Instagramin e tij.
“Takimi i vështirë. Siç pritej. Nuk ka dorëzim,”– tha Vuçiç në llogarinë e tij në Instagram. Ndërkohë që tek fotoja që ai ka shpërndarë, duket shefi i diplomacisë së Bashkimit Europian, Josep Borrell, i cili mban kokën me duar. Me siguri nga intensiteti i bisedimeve në tryezë.
