Ministri polak i Drejtësisë, Zbigniew Ziobro u filmua me një armë në brez gjatë një vizite zyrtare në vend.
Kur xhaketa e ministrit lëvizi për shkak të erës, kamerat filmuan një pistoletë Glock në brezin e pantallonave të zyrtarit shtetëror të Polonisë.
Ai vendosi një kurorë në një memorial për ata që vdiqën në një aksident minierash në Poloni.
Pasi video u bë virale në rrjetet sociale, ministri polak tha se kishte marrë lejen për armë mbajtje disa vite më parë sepse ishte kërcënuar me vdekje nga kreu i një organizate kriminale.
“Si çdo qytetar, edhe unë kam të drejtë të mbroj veten dhe familjen time,” tha Ziobro duke shtuar se nuk e mban armën gjithmonë me vete.
Kryeministri polak, Mateusz Morawiecki ka reaguar duke pohuar se ministri mund të zotërojë një armë me leje si çdo qytetar tjetër.
