Të gjithë presin lirimin e Diana Bahçes. Sot në orën 12:30 do të zhvillohet seanca gjyqësore në Gjykatën e Tiranës për nënën lehonë, Diana Bahçen, e cila u arrestua pak ditë pasi lindi djalin e saj, pasi kishte marrë një gjobë prej 250 mijë Lekësh që iu konvertua në një muaj burg.
Avokatët kërkojnë pezullimin provizor të këtij vendimi dhe të ekzekutohet pasi foshnja të mbushë 1 vjeç. Vendimi do të merret sot rreth orës 12 e 30 minuta.
Gjendja ekonomike e familjes Bahçja është shumë e vështirë dhe për foshnjën kujdeset gjyshja, e cila është në moshë të thyer.
Mediat raportojnë se biznese të ndryshme në Shkodër janë ofruar që t’i paguajnë gjobën Diana Bahçes në mënyrë që vendimi për arrestimin e saj të pezullohet dhe ajo të kthehet pranë fëmijës së saj.
Familjarët e nënës lehonë i lutem drejtësisë: Lirojeni, nuk mund të kujdesemi për foshnjën