Masa ndaj protestuesve në Francë, policia: Ndalohen demonstatat

Policia ndaloi sot tubimet protestuese në Place de la Concorde, sheshin më të madh të Parisit, si dhe Champs-Élysées, pas dy netëve radhazi trazirash në kryeqytetin francez.

“Për shkak të rrezikut serioz të prishjes së rendit dhe sigurisë publike (…) çdo tubim në një vend publik në Place de la Concorde dhe zonën përreth, si dhe në sektorin Champs-Élysées është i ndaluar,” thuhet në deklaratë.

“Personat që tentojnë të mblidhen aty do të largohen sistematikisht nga forcat e rendit” dhe mund t’u jepet rekomandim verbal,” shtoi policia.

Të enjten, 10,000 protestues u mblodhën në të njëjtin vend, pranë ndërtesës së Asamblesë Kombëtare, dhe policia raportoi 258 arrestime.

Qeveria franceze vendosi të enjten të miratojë me një akt legjislativ reformën e pensioneve. Për këtë, ai iu drejtua nenit 49.3 të Kushtetutës që mundëson miratimin e ligjeve pa votim në Asamblenë Kombëtare, përveç nëse  miratohet një mocion për shkarkimin e qeverisë.

Sot vazhdon greva e punëtorëve në rafineritë TotalEnergies, si dhe në hekurudhë. Një demonstratë është planifikuar në Place d’Itali në jug të Parisit, pasdite vonë.

Më parë, një grup studentësh dhe aktivistësh nga kolektivi i Revolucionit të Përhershëm sulmuan qendrën tregtare Forum des Halles duke mbajtur pankarta dhe duke brohoritur “Paris, ngrihu”.

Sindikatat thonë se do të vazhdojnë aksionet e tyre dhe kanë thirrur një grevë të përgjithshme të enjten e ardhshme.