Qeveria britanike ka zbardhur diskutimin e plotë në takimin e sotëm mes kryeministrit britanik, Rishi Sunak dhe homologut Edi Rama. Kreu i qeverisë shqiptare u takua pasditen e sotme me liderin britanik në Londër, duke u bërë kështu kryeministri i parë shqiptar që pritet në Doëning Street.
Dy liderët shprehën vullnetin për të thelluar marrëdhëniet mes dy vendeve si dhe riafirmuan angazhimin për trajtuar emigracionin e paligjshëm. Kryeministrat mirëpritën gjithashtu përparimin në bashkëpunimin e biznesit dhe universiteteve, duke përfshirë hapjen e Dhomës së re Britanike të Tregtisë në Shqipëri.
Gjithashtu, thuhet se ata kanë rënë dakord që një ekip i përbashkët mes Britanisë dhe Shqipërisë do të kryejë një vlerësim të kapaciteteve të burgjeve të Shqipërisë, që do përfundojë në fund të prillit, me qëllim kthimin e të gjithë shtetasve shqiptarë të burgosur në Mbretërinë e Bashkuar.
