Presidenti ukrainas, Volodymyr Zelensky u ka premtuar bashkatdhetarëve të tij se asnjë gjurmë e Rusisë nuk do të mbetet në tokën ukrainase, duke përsëritur besimin e tij se fitorja kundër pushtuesve është vetëm çështje kohe.
Në një video-mesazh të enjten, duke shënuar 400 ditë nga fillimi i pushtimit rus të Ukrainës Zelensky vlerësoi forcat e armatosura të vendit të tij për luftën e tyre.
“Heroizmi i ukrainasve do të mbetet i paharrueshëm në të gjithë botën. Ne nuk do të lëmë asnjë gjurmë të Rusisë në tokat tona dhe nuk do ta lëmë armikun të mbetet i pandëshkuar. Të bëjmë gjithçka që të vijë dita sa më shpejt që t’ju falënderoj, të dashur ukrainas, për fitoren tonë,” tha Zelensky në mesazhin e tij.
