Kryetari i SPAK, Altin Dumani gjatë një bisede informale me gazetarët deklaroi se ish-zv/ kryeministri Arben Ahmetaj do të thirret për rë dëshmuar në prokurori në momentin e parë që do të vendoset nga organi i akuzës.
“Patjetër që do e thërrasim Ahmetajn, nëse do e shikojmë të nevojshme.
Kontrollet janë në dinamikën e hetimit ku grupi vlerësoi se në këto ambiente mund të gjendeshin prova. Kemi gjetur prova.
Nuk i marrim leje kurrkujt e thërrasim këdo të jetë për ta marrë në pyetje, Arben Ahmetajn apo kushdo që të jetë.
Kemi nisur letërporosi në shumë shtete jo vetëm në një shtet, kërkon kohë, ka që janë përgjigjur ka që janë në proces, hetimi përfshin çdo gjë”, tha Dumani.
I pyetur për zhdukjen dhe hetimet për Ervis Martinajn, Dumani tha se “dosjen e kemi dërguar në gjykatë”.
