Qeveria shqiptare deklaron se nuk e njeh vendimin e arbitrazhit që duhet t’i paguajë biznesmenit italian Francesco Becchetti 110 milionë euro.
Pavarësisht vendimit, zv/kryeministrja Belinda Balluku tha se vendimet nuk i njeh dhe se beteja ligjore me Becchettin, që e cilësoi kriminel do të vazhdojë.
“Më vjen keq që ndjej nota kënaqësie në vendimin e Arbitrazhit. Por nëse i referoheni vendimeve të gjykatës supreme të Mbretërisë së Bashkuar, shtetet për shkak të sovranitetit kanë të drejtë të mos i marrin parasysh vendimet.
Kështu që ky është pozicioni jonë. Qeveria shqiptare do të luftojë për sovranitetin e këtij vendi sikur i takon dhe do të mbrojnë vendin nga çdo kriminel i dënuar nga 10 apo 17 vite. Dhe nuk ka shans që qeveria të lejojë që Shqipëria të lejojë të merret peng nga një kriminel i këtij niveli.
Disfata ndaj Becchettit në Arbitrazh! Avokati i Shtetit për “5Pyetjet.al”: S’ka info zyrtare
Kur Shqipëria të fitojë këtë luftë do të ndihmojë edhe disa vende të tjera dhe kompania që kanë prej vitesh që dhunohen dhe përdhunohen nga i njëjti kriminel. Do të marrim avokatët më të mirë dhe do të mbrohemi nga një kriminel” tha ajo.