Autoriteti Rrugor Shqiptar që drejtohet nga Evis Berberi në dy ditët e fundit ka hapur tre tendera për sinjalistikën rrugore, vertikale dhe horizontale në rrugët e vendit në veri, Shqipërinë qendrore dhe në jug. “5Pyetjet.al” publikon dokumentet.
Në total të tenderit me tre lote janë 471 KM që duhet të pajisjen me vijëzimet dhe tabelat. Por gjithashtu edhe ndriçimin e pikave kyçe që janë “njolla të zeza” me potencial për aksidente.
Shuma që është vendosur në dispozicion për këtë tender me tre lote është 525 milionë Lekë, ose mbi pesë milionë Euro, pa llogaritur TVSH-në.
Për 192 KM në akset e veriut janë vendosur në dispozicion mbi 191 milionë Lekë të reja. Për qendrën e Shqipërisë 166 milionë Lekë për 124 KM dhe për jugun, 166 milionë Lekë për 155 KM.
Mes oligarkëve të tenderave ka nisur beteja për të fituar tenderin me tre loje për vijëzime që në një pamje të parë duket se ka shumë fryrje.
