Partia Socialiste kërkon një tjetër mandat me Flamur Golemin në Gjirokastër. I ftuar mbrëmjen e sotme te “5Pyetjet nga Babaramo”, kryebashkiaku foli për investimet që janë bërë në 4 vitet që u mbyllën. Fokusi, tha ai ishte tek furnizimi me ujë.
“Investimi i ujësjellësit. Qyteti, në lagjet e sipërme nuk kishte ujë. Në verë mund të kishin 1 orë ujë në 24 orë. Tani Gjirokastra ka 24 orë ujë. Tani vazhdojmë me “ByPass”-in.
Qyteti u nda në dy pjesë, e reja dhe e vjetra. Përfundimi i “ByPass”-it e bashkon qytetin dhe bën një dhe shfaq të gjithë turistëve pjesën tjetër të qytetit me bukuri dhe shtëpi karakteristike sa pjesa tjetër e qytetit. Parkingu është një tjetër investim”.
Por cilat janë planet nëse do të rizgjidhet? “Shumë shpejt Gjirokastra do të jetë me pjesën më të madhe pedonale në Shqipëri. Do të zgjerohet. Ne jemi duke punuar” tha ai. Mbetjet ishin një tjetër çështje e diskutimit.
Gara në Gjirokastër/ Golemi te “5Pyetjet”: Në 14 Maj shkojmë me bilanc dhe model
