Kryeministri i Greqisë, Kyriakos Mitsotakis në një reagim me nota të forta edhe kërcënimi ka kërkuar nga Shqipëria që të lirojë nga qelia kandidatin për kryetar bashkie në Himarë, Fredi Beleri.
“Më lejoni këtu të hap një parantezë dhe të them diçka për një ngjarje jashtëzakonisht të pakëndshme që ndodhi në Shqipërinë fqinje, mëngjesin e sotëm, ku fatkeqësisht u arrestua kandidati për kryetar të Bashkisë në Himarë dhe anëtari i Minoritetit Kombëtar grek, Fredi Beleri”, tha fillimisht ai.
“Dua, këtu nga Lesbos, t’i dërgoj një mesazh mikut tim, kryeministrit të Shqipërisë. Tërheqje për sundimin e ligjit dhe mbrojtjen e të drejtave të pakicës kombëtare greke, Greqia nuk do të pranojë”, shtoi Mitsotakis.
“Nëse Shqipëria dëshiron të afrohet me Bashkimin Evropian, ka detyrimin të sigurojë zgjedhje të lira dhe të ndershme bashkiake dhe të lirojë menjëherë ata që ka burgosur, në mënyrë që ata të marrin pjesë në procesin zgjedhor”, tha kryeministri.
Greqia: Skandal! Kemi njoftuar Brukselin për arrestimin e Fredi Belerit
