Teksa procesi i numërimit ende vazhdon, Partia Socialiste kryeson në dy prej qarqeve më të mëdha të vendit Tiranë dhe Durrës.
Në Tiranë janë numëruar 352 kuti nga 941 në total. Erion Veliaj nuk e diskuton mandatin e tretë në krye të bashkisë më të madhe në vend aktualisht
Ndërsa në Durrës deri më tani është numëruar 258 nga 342 kuti votimi. Ndër të cilat 44.38 % janë fituar nga kandidati i Bashkë Fitojmë, Igi Cara dhe 55.62 % janë fituar nga kandidatja socialiste Emiriana Sako.
PS ka marrë avantazhin në pjesën më të madhe të bashkive të vendit, edhe pse gara mbetet e hapur në disa prej tyre. Kampi socialist udhëheq në Tiranë, Durrës, Lezhë, Shkodër, Tropojë, Kukës etj.
Nga ana tjetër, koalicioni opozitar “Bashkë Fitojmë” ka fituar në 6 bashki deri më tani, konkretisht në Pukë, Memaliaj, Himarë, Has, Fushë-Arrëz dhe në Mirditë.
