Sot deputetët u rikthyen në parlament pas zgjedhjeve lokale. Fjalën i pari e mori Flamur Noka që akuzoi se socialistët vodhën zgjedhjet për bashkitë. Por teksa deputeti demokrat fliste, salla ishte thuajse bosh. Kryeministri Rama, ministrat dhe pjesa dërrmuese e deputetëve socialistë nuk ishin në parlament.
“Banda qeveri shkoi të dielën me një moto për të marrë të gjithë pushtetin. Jeni duke u thënë shqiptarëve “ne u shkelim dhe i konsiderojmë vemje”. Këto mekanizma i përdor vetëm mafia, kriminal, anti-ligjor, vetëm e vetëm për të marrë bashkitë. Elbasani e tregoi këtë. Në Belsh, të burgosurit votuan tre katër herë. Votuan në Durrës, Belsh dhe Rrogozhinë. Nuk ka asnjë rrugë tjetër më me ju. Ndaj prisni përgjigje” tha ai.
