Çdo 12 minuta, një i mitur humbet në Francë sipas një raporti të shoqatës së “Droit d’enfance”.
Në vitin 2022 , 43.202 të mitur janë shpallur të zhdukur në polici dhe xhandarmëria, sipas shifrave të ministrisë së brendshme franceze të publikuar në një raport të organizatës.
Sot, me rastin e “Ditës Botërore të Fëmijëve të Zhdukur”, shoqata “Droit d’enfance” (E Drejta e Fëmijërisë) ndau për herë të parë të dhëna të detajuara që tregojnë se ky është një fenomen alarmant i përhapur.
95 % e të miturve janë zhdukur vullnetarisht. Pjesa më e madhe e të miturve që kanë lënë shtëpinë janë mbi 15 vjeç, përqindje që korrespondon me 63% të adoleshentëve që u bënë “duhanpirës” një vit më parë.
Raporti paralajmëron gjithashtu një rritje alarmante të numrit të fëmijëve që zhduken në moshë të re dhe kjo normë po rritet çdo vit për të arritur në 37.9% në vitin 2022.
Për më tepër, një e treta e vajzave që janë zhdukur,me siguri kanë rënë viktimë e prostitucionit apo abuzimit seksual nga mjedisi i tyre, raporton gazeta “Le Figaro”, duke cituar të dhëna nga Ministria e Brendshme.
Në vitin 2021, një raport i qeverisë deklaroi se 7,000 deri në 10,000 adoleshentë francezë, disa deri në 12 vjeç, kanë përjetuar abuzim seksual që nga fëmijëria ,” thekson Julien Landuro, Shef i Komunikimit për organizatën “Droit d’enfance”.
Autorët e studimit raportojnë gjithashtu se në vitin 2022 janë regjistruar 544 rrëmbime të fëmijëve nga prindërit e tyre.
