Një ngjarje e rëndë dhune ka ndodhur brenda një familje në Korçë. Ngjarja ka ndodhur 6 ditë më parë, kur Fatos Mulla ka hedhur nga shkallët e shtëpisë private bashkëshorten e tij, D.Mulla 55 vjeç, duke i shkaktuar thyerje të këmbës së djathtë.
Bashkëshorti e ka mbajtur 55-vjeçaren në banesë deri ditën e djeshme e më pas e ka dërguar në spital, ku e dhunuara ka treguar se si ka ndodhur ngjarja. Ajo ka thënë se shkak për ngjarjen është bërë një motiv banal, një gotë vaji.
Përgjatë këtyre ditëve, bashkëshorti nuk e ka lejuar të kontaktojë me familjarët e saj, ndërsa bëhet me dije se vajza e vetme e çiftit jeton prej vitesh në Itali.
