Zbardhen detaje të reja nga vrasja e dyfishtë e babë e bir ditën e djeshme në Dukagjin. Po mbushet 24 orë nga ngjarja dhe ende nuk ka asnjë autor për vrasjen e Gjokë dhe Eduart Gurrës.
Dy janë pistat e hetimit të ngritura nga policia. E para lidhet me kultivimin e lëndës narkotike kanabis ndërsa pista tjetër e hetimit është konflikti për shkak të furnizimit me dru që bënin viktimat në Shkodër.
Gjokë Gurra 57 vjeç dhe Eduard Gurra 31 vjeç shkuan në vendin e tyre të origjinës për të parë dëmet e shkaktuara, pasi iu dogj shtëpia.
Duket se ky ka qenë skenari për t’i tërhequr në fshat. Në momentin që janë ngjitur në fshat, pranë shtëpisë, brenda në makinë nga jashtë janë qëlluar për vdekje. Gjithçka ka ndodhur në pritë.
Gjokë Gurra kishte punuar në Policinë e Shkodrës, deri në vitin 2008, kur ka dhënë dorëheqjen. Gjokë Gurra ishte babai i dy djemve, ndërsa djali i tij Eduarti ishte baba i dy vajzave.
Prishën pazaret e drogës? Pse u vranë në derë të shtëpisë babë e bir në Shkodër
