Shefi i inteligjencës ukrainase, Kyrylo Budanov, ka deklaruar për mediat se Shërbimi Federal i Sigurisë së Rusisë (FSB) është ngarkuar për të vrarë kreun e Wagner, Yevgeny Prigozhin.
“Në çdo rast, të gjitha përpjekjet e mundshme për vrasje nuk do të jenë të menjëherëshme. Do t’u duhet pak kohë për të pasur qasjet e duhura dhe për të arritur në fazën kur të jenë gati të kryejnë një operacion të madh,” tha Budanov për mediat ukrainase.
Më 27 qershor, FSB tha se kishte mbyllur çështjen penale për kryengritjen e armatosur të Prigozhin.
Sipas gazetës ruse ”Verstka” në Bjellorusi, një kamp ushtarak për 8,000 anëtarë të Wagner është duke u ndërtuar në Asipovichy, afërsisht 200 km nga kufiri Bjellorusi-Ukrainë.
