Një tërmet me magnitudë 6.4 goditi ishullin indonezian Java të premten mbrëma, duke plagosur të paktën 10 persona dhe një tjetër vdiq, thanë shërbimet e urgjencës.
Tërmeti shkaktoi dëme të vogla materiale në qindra shtëpi, zyra, shkolla dhe objekte shëndetësore në provincat Yogyakarta dhe Java Qendrore, tha qeveria.
Agjencia gjeofizike e Indonezisë tha se tërmeti, i cili kishte një thellësi fokale prej 25 kilometrash, u ndje në disa qytete në provincën Yogyakarta si dhe në Java lindore dhe qendrore, ishulli më i populluar i Indonezisë.
Nuk u dha asnjë paralajmërim për cunam. Indonezia, në Azinë Juglindore, ndodhet në të ashtuquajturën “Unaza e zjarrit e Paqësorit”, një rajon shumë sizmik ku pllaka të ndryshme tektonike përplasen dhe shkaktojnë shumë tërmete.
