Kryetari i Kuvendit të Kosovës, Glauk Konjufca ka pritur në takim kryeministrin Edi Rama.
Rama gjatë vizitës në Prishtinë në fillim u takua me presidenten e Kosovës, Vjosa Osmani dhe më pas u prit nga Konjufca.
Ndërkohë ka përfunduar edhe takimi me kryeparlamentarin ndërsa ky i fundit është shprehur shkurtimisht para mediave.
“Rama i shqetësuar nga presioni ndërkombëtar për Kosovën. Ai e ka presionin me sa duket më shumë se ne.
Ne s’kemi probleme me Shqipërinë, duket sikur problemi ka ardhur nga andej jo nga ne,” tha Konjufca.
Kurti nuk ka pranuar të takohet me Ramën. Në lidhje me situatën Rama u shpreh se nuk i kishte kërkuar takim atij.
Ndërsa Konjufca u shpreh se ata do të takohen së shpejti edhe pse jo sonte.
