Pas ngjarjes së rëndë të regjistruar ditën e sotme në Krujë ka ardhur edhe reagimi i ish-kryeminstrit, Sali Berisha.
Për mes një postimi në llogarinë e tij në Facebook Berisha e ka cilësuar shtazore dhunën e ushtruar ndaj Bilbil dhe Jashar Majës.
Në reagimin e tij Berisha shkruan se dy vëllezërit e deputetit të PS, Rrahman Rraja, Xhelal e Flamur Raja, dhe djali i këtij të fundit, kanë rrahur shtazërisht me shkopa bejsbolli dhe kërcënojnë me pistoletë qytetarët e pafajshëm.
“Ky akt kriminal i fisit Rraja ka ardhur pas ankimit të vëllezërve Maja se atyre u ishte dëmtuar shtëpia nga shpërthimet në guroren që shfrytëzohej nga Rrajat.
Duke shprehur solidaritetin e plotë të Partisë Demokratike, Bilbil dhe Jashar Majas, Partia Demokratike dënon me ashpërsinë më të madhe krimin e shëmtuar të bandës qeveritare Rraja dhe iu rikujton këtyre kriminelëve se drejtësia vonon, por nuk harron krimet tuaja të shëmtuara,” shkruan Berisha.
