Sekretari i Përgjithshëm i OKB-së, Antonio Guterres u shpreh sot se marrëveshjet që lejojnë eksportet e sigurta të ushqimit dhe plehrave përtej Detit të Zi nga portet ukrainase dhe lehtësimin e eksporteve nga Rusia “janë jetike” për sigurinë globale të ushqimit.
“Sekretari i Përgjithshëm dhe ekipi i tij mbeten plotësisht të përkushtuar për të ndërtuar mbi përparimin e bërë tashmë dhe janë në kontakt të vazhdueshëm me një gamë të gjerë palësh të interesuara për këtë çështje,” tha zëdhënësi i OKB-së, Farhan Haq.
“Sekretari i Përgjithshëm u bën thirrje të gjitha palëve të interesuara që të kenë prioritet sigurinë globale të ushqimit”, tha Haq.
Marrëveshja për drithërat e Detit të Zi do të përfundojë më 17 korrik.