Presidenti serb, Aleksandar Vuçiç ka kërkuar nga që SHBA-së t’i sigurojë prova për sanksionet e vendosura kundër drejtorit të BIA-s, Aleksandar Vulinit.
Sipas Vuçiç sanksionet i janë vendosur Vulinit për shkak të Rusisë.
“Nëse na japin ndonjë informacion për drogën, do ta ndjekim penalisht Vulinin. Por, nuk ka asgjë. Arsyeja është Moska dhe qëndrimi ndaj Rusisë. Dhe sikur të kisha thënë disa ditë më parë se ne po vendosim sanksione kundër Rusisë, nuk do të kishte sanksione kundër Vulinit,” tha ai.
“Nuk është një masë e lehtë për ne, ishte politika ime dhe unë jam fajtor për të, por duhet të kuptojmë se është një situatë shumë e rëndë dhe do ta trajtojmë në atë mënyrë,” shtoi më tej Vuçiç.
