Një ngjarje e rëndë është regjistruar pasditen e sotme në Tiranë ku 11-vjeçar e ka zënë korenti.
Mësohet se ngjarja është regjistruar rreth orës 18:55 në rrugën “Irfan Tomini”, në afërsi të Qendrës Shëndetësore Nr. 8.
11-vjeçari teksa po luante ka prekur kasetën që furnizon me energji elektrike pallatin, dhe ka rënë në kontakt me rrymën elektrike.
Ai u dërgua menjëherë në spital ku ndodhet nën kujdesin e mjekëve.
Grupi hetimor po punon për sqarimin e rrethanave të ngjarjes.
