Këshilltari për mediat i zv/kryeministrit Besnik Bislimi, Klisman Kadiu ka mohuar se i është refuzuar pjesëmarrja në Tiranë.
Ai tha se vizita nuk ka qenë e planifikuar duke i hedhur poshtë lajmet se i është refuzuar pjesëmarrja në këtë takim për shkak të protokollit.
“Lajmi i djeshëm për pjesëmarrjen e zëvendëskryeministrit Bislimi në takimin joformal në Tiranë nuk është i vërtetë.
Nuk ka qenë i planifikuar e aq më pak i konfirmuar. Meqë nuk ka patur asnjë konfirmim nga zëvendëskryeministri Bislimi, atëherë nuk ka mundur as t’i refuzohej pjesëmarrja apo prania e tij.
Prandaj edhe raportimet nga disa media shqiptare në lidhje me refuzimin nuk janë gjë tjetër veçse spekulim dhe duke qenë i tillë veç mund të spekulojmë për origjinën e tij”, ka shkruar Kadiu.
