Pasditen e së hënës, një zjarr i madh ka rënë në Kallithea Loutrakiou në Greqi. Nga zjarri i madh i cili ka pushtuar një zonë të madhe të vendit në videot e postuara nga mediat greke duket tymi i cili ka marrë vendin.
Është dhënë urdhër për evakuimin paraprak të zonave Kallithea, Pefkia dhe Irini. Kanë nisur të evakuohen shtëpitë ku zjarri tashmë është afruar rreth tyre dhe kanë marrë flakë disa.
Në vendngjarje ndodhen 54 zjarrfikës me 19 automjete ndërsa nga ajri operojnë 3 avionë dhe 4 helikopterë.
Ndërkohë në Kallithea është shkaktuar një ndërprerje emergjente e energjisë elektrike për shkak të zjarrit, i cili ka krijuar probleme në funksionimin e makinerive të tre puseve që u shërbejnë nevojave të rrjetit të ujësjellësit.
Autoritetet u kërkojnë qytetarëve që në orët e ardhshme të kufizojnë konsumin e ujit për shkak të emergjencës.