Një makinë është përfshirë nga flakët në orët e para të mëngjesit të sotëm në fshatin Sojevë të Ferizajt në Kosovë.
“Sot, rreth orës 01:43 policia rajonale e Ferizajt ka pranuar informatën se në fshatin Sojevë të Ferizajt është një incident zjarri, ku një veturë “Mercedes” me targa vendore ishte në lëvizje për një moment ishte kapluar nga flaka,” thuhet në njoftimin e zyrtarëve të policisë së Kosovës.
Menjëherë janë njoftuar edhe zjarrfikësit, të cilët kanë mbërritur në vendin e ngjarjes dhe e kanë bërë të mundur shuarjen e zjarrit.
Ndërkohë policia po heton çështjen për të zbardhur shkaqet e këtij zjarri në makinë.
