Rreth orës 23:30 të së premtes ka ndodhur një përplasje me armë zjarri në një lokal në Prishtinë.
Sot policia ka konfirmuar se nga kjo përplasje numri i të lënduarve është në 17 persona.
Doktori i Klinikës Emergjente, Naser Syla në një deklaratë për media ka njoftuar se nga 17 të lënduarit, 7 janë me armë zjarri, ndërkaq 10 të tjera nga xhamat dhe mjete tjera, të moshave nga 20 deri në 40 vjeç.
Po ashtu ai ka njoftuar se njëri nga të lënduarit është në gjendje të rëndë shëndetësore.
“Aktualisht së paku dy të dyshuar janë identifikuar si të implikuar në rast, përderisa po punohet edhe për identifikimin e të dyshuarve të tjerë të mundshëm,” njofton policia.
