Një ngjarje e rëndë ka ndodhur pas mesnatës në një kafene në Skënderaj të Kosovës ku ka mbetur i vrarë një 39-vjeçar me inicialet N. L., dhe janë plagosur 3 të tjerë.
Ngjarja ka ndodhur në fshatin Runik të Skënderajt rreth orës 01:21 pas mesnate.
“Rreth orës 01:21, të datës 10 gusht 2023, policia ka marrë informatën për të shtëna me armë zjarri në një kafene në fshatin Runik të Skenderajt. Menjëherë në vendin e ngjarjes kanë dalë njësitet e nevojshme policore dhe ekipi mjekësor,” thuhet në njoftimin e policisë së Kosovës.
Mësohet se viktima ka ndërruar jetë në vendngjarje, ndërsa tre të plagosurit janë dërguar për trajtim mjekësor në spital.
