Sot para një viti u nda nga jeta Mbretëresha Elizabeth II pas 70 vjetësh në fron. Pas vdekjes së saj pozicionin e mori djali i saj, Charles III.
Më 8 shtator 2022, Mbretëresha Elizabeth u nda nga jeta në moshën 96-vjeçare në Kalanë Balmoral në Skoci, ku ajo kaloi verën e saj.
Kështu u kthye një faqe në historinë e Mbretërisë së Bashkuar dhe 14 vendeve të tjera për të cilat monarku britanik është kreu i shtetit të tyre.
Sot, një vit më vonë, asnjë ngjarje e madhe publike nuk është planifikuar për të përkujtuar këtë fund të një epoke.
Mbreti dhe Mbretëresha Camilla , të cilët janë në Balmoral duke vazhduar një traditë të prezantuar nga Elizabeth, do të luten në Crathy Kirk aty pranë, ndërsa Princi i Kurorës William dhe gruaja e tij Kate do të marrin pjesë në një shërbim privat në Katedralen St Davis në Uells, në qytetin ku mbretëresha Elizabeth vizituar në vitin 1955.
Në Londër është planifikuar gjuajtja me top në Hyde Park dhe Kullën e Londrës.
Qeveria britanike ka njoftuar se një monument i Mbretëreshës Elizabeth II do të zbulohet në vitin 2026, njëqind vjet pas lindjes së saj.
