Ministri i Brendshëm, Taulant Balla ka njoftuar largimin nga struktura e policisë së policit që ishte pjesë e një sherri të ndodhur mbrëmë në një lokal në Bllok.
“Por në rast se një punonjës i Policisë së Shtetit, siç jam informuar sot duke u gdhirë në Tiranë, bëhet palë në një konflikt fizik, ndërsa do të duhej të ndërhynte menjëherë në vendosjen e rregullit, atëherë ky individ nuk mund të qëndrojë më për asnjë çast në Policinë e Shtetit. Ndërkohë AMP dhe Prokuroria të vazhdojnë verifikimet dhe hetimet e tyre ligjore” tha Balla.
Mes personave të përfshirë në sherr ishte edhe 26 vjeçari punonjës policie, në komisariatin nr.1. Të rinjtë janë zënë me sende të forta, gota, karrige, shufra hekuri, shkopinj, etj. Në spital u dërguan 3 persona që morën plagë gjatë sherrit. Hetimet kanë nisur edhe për rolin e policit në këtë konflikt.
Polici ishte në tavolinë! “Përmbyset” lokali në Bllok, dajak me karrige!