Mesditën e sotme është regjistruar një aksident në rrugën e Arbërit.
Mësohet se një makinë ka dalë nga rruga dhe është përmbysur. Ngjarja ka ndodhur në aksin rrugor Bulqizë-Tre Çesmat në vendin e quajtur Peladhi.
Për shkak të aksidentit është plagosur drejtuesi i mjetit. Kanë qenë shoferë të makinave të tjera të cilat po kalonin në momentin e aksidentit që kanë njoftuar policinë dhe ambulancën.
Mësohet se shoferi i aksidentuar ndodhet jashtë rrezikut për jetën. Ndërkohë grupi hetimor po heton rreth këtij aksidenti.
