Prindërit e dy vajzave në Tiranë kanë bërë një denoncim në polici se fëmijët e tyre ishin dhunuar nga një grup bashkëmoshataresh.
Denoncimi u bë në Komisariatin e Policisë Nr. 3. Sipas kallëzimit, dy vajzat e mitura ishin dhunuar nga 4 bashkëmoshatare.
“Në Komisariatin e Policisë Nr. 3 janë paraqitur shtetasit G. P., 55 vjeç, dhe E. P., 48 vjeçe, të dy banues në Tiranë, të cilët kanë kallëzuar se dy vajzat e tyre të mitura, dyshohet se janë dhunuar nga 4 bashkëmoshataret e tyre.
Materialet në lidhje me këtë rast i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për vlerësim,” thuhet në njoftimin e policisë.
