Ngjarje e rëndë në Turqi. Një 17-vjeçar ka vrarë shokun e tij të ngushtë, për arsye se ky i fundit nuk fshiu një postim në rrjetet sociale.
Ngjarja e rëndë është regjistruar në Gaziantep.
Sipas mediave turke 17-vjeçari İbrahim A. paralajmëroi mikun e tij Muhammed Şeyh Ahmed (17), i cili ndau një postim për të në rrjetet sociale dhe i kërkoi që ta fshinte postimin.
Ahmed refuzoi dhe mes tyre lindi një debat i ashpër, që përfundoi në përdorimin e thikës, njoftojnë mediat turke.
Sipas policisë, autori e goditi shokun e tij me thikë në zemër, duke e lënë të vdekur në vend.
