Sekretari i Përgjithshëm i NATO-s, Jens Stoltenberg thotë se konflikti në Ukrainë është një luftë rrënimi, por nuk ka arritur në një ngërç.
“Kievi ka nevojë urgjente për furnizime të mëtejshme të mbrojtjes ajrore, duke përfshirë municione, pjesë këmbimi dhe mirëmbajtje për sistemet që ushtria ukrainase tashmë ka,” tha Jens Stoltenberg për gazetarët në Nju Jork.
“Ne shohim se mbrojtja ajrore po shpëton jetë çdo ditë në Ukrainë,” tha ai.
“Nëse duam fundin e luftës, nëse duam një paqe të drejtë dhe të qëndrueshme, atëherë mbështetja ushtarake për Ukrainën është mënyra e duhur,” tha Stoltenberg.
“Ne jemi gati për një afat të gjatë. Jo sepse ne jemi në gjendje të parashikojmë saktësisht se sa do të zgjasë kjo luftë, por sepse ne duhet të dërgojmë një mesazh se Presidenti Putin nuk mund të na presë,” tha ai.
