Një efektiv i forcave “Shqiponja” është dhunuar në zonën e Laprakës në Tiranë. Patrulla e policisë ka ndaluar një mjet për kontroll dhe identifikim, në brendësi të së cilit kanë qenë 3 persona.
Drejtuesi i tij, por edhe 2 pasagjerët nuk i janë bindur urdhrit dhe kanë nisur të debatojnë fillimisht me fjalë duke kundërshtuar duke nisur të debatojnë me ta e më pas të goditen edhe me grushte.
Mësohet se drejtuesi i mjetit u shoqërua në komisariat dhe rezultoi të ishte punonjës policie në Vlorë, efektiv tek njësia “Shqiponja”.
Për shkak të situatës së krijuar dhe kundërshtimit që u ka bërë kolegëve të Tiranës, bashkë me 2 miqtë vlonjatë që e shoqëronin, në ndihmë kanë shkuar edhe 7 patrulla policie, të cilat kanë neutralizuar situatën.
Efektivit nga Vlora i është sekuestruar arma e shërbimit që e kishte me vete në makinë dhe një thikë.
Agjensia e Mbikqyrjes Policore ka nisur verifikimet për të zbardhur rrethanat e plota të ngjarjes.
