Mediat në Serbi raportojnë se në repartin kirurgjik të spitalit të përgjithshëm në Novi Pazar ndodhen dy të plagosur nga Kosova. Hyrja në objektin e repartit kirurgjik është e siguruar nga forca të shumta policie.
“Për momentin askush nuk po jep informacion për gjendjen e të lënduarve nga të shtënat në fshatin Banjskë” shkruajnë mediat serbe.
Pjesëtarët e Policisë së Kosovës janë sulmuar dje në fshatin Banjskë në veri ku si pasojë ka mbetur i vrarë një polic dhe dy të tjerë janë plagosur.
Tre sulmues u vranë në shkëmbimin e zjarrit mes policisë dhe serbëve, por duket se disa të tjerë kanë arritur që të plagosur të arratisen nga Kosova duke u kthyer në Serbi.
