Presidenti i FSHF-së, Armand Duka nga sot do të jetë në postin e zv/Presidentit të UEFA-s, duke u bërë i pari shqiptar që arrin në një pozicion kaq të lartë në hierarkinë e futbollit europian.
Vendimi u mor sot në mbledhjen e radhës së Komitetit Ekzekutiv të UEFA-s, që zgjodhi pikërisht Presidentin Duka me votim unanim në postin e numrit dy të qeverisë së futbollit europian.
Gjithashtu Federata Shqiptare e Futbollit ka fituar të drejtën të sjellë për herë të parë në Shqipëri finalet e një turneu madhor ndërkombëtar për moshat.
UEFA ka vendosur t’i besojë FSHF-së dhe Shqipërisë mikpritjen e finaleve të Kampionatit Europian 2025 për grupmoshën U-17.
Federata Shqiptare ishte një nga federatat që kishte kandiduar për të pritur fazën finale të turneut.
Së fundmi, Komiteti Ekzekutiv i UEFA-s në mbledhjen e zhvillua këtë të martë në Qipro ka votuar pro kandidaturës shqiptare, me finalet e turneut kontinental që do të luhen në Shqipëri pas dy vitesh.
Dy gëzime në një ditë! Vjen reagimi i parë i Dukës: Kjo është historike