Vendi ynë është tronditur nga dy ngjarje të rënda në më pak se 24 orë. E para u regjistrua mesditën e djeshme në qytetin e Rrëshenit, ku u ekzekutua me armë zjarri 59-vjeçari Martin (Marku) Bardhi.
Bardhi u ekzekutua paraditen e 26 shtatorit, në një atentat të mirë organizuar në hyrje të qytetit të Rrëshenit, ndërsa tre persona të tjerë të cilët kanë qenë në tavolinë u plagosën.
Vrasja u shënua përballë komisariatit të Rrëshenit në bar picerinë e viktimës.
Ndërkohë, ngjarja tjetër e rëndë ndodhi pak pas mesnatës së mbrëmshme, ku u qëllua me armë zjarri te shinat në Katund, Sukth një 38-vjeçar nga disa persona të paidentifikuar.
FOTO/ Ky është 63-vjeçari që u ekzekutua në Rrëshen duke pirë kafe me tre miqtë
Fatjon Dervishi u nis menjëherë për marrjen e ndihmës mjekësore, por nuk ia doli, pasi ndërroi jetë pak minuta më vonë në spital, duke u bërë kështu viktima e dytë e plumbave në më pak se 24 orë në Shqipëri.
