Kryetari i zgjedhur i bashkisë Himarë nuk heq dorë nga tentativat për të dalë nga qelia me qëllim që të betohet. Fredi Beleri ka bërë kërkesë në Gjykatën e shkalles së parë Durrës për t’u lejuar që të bëjë betimin si kryetar i bashkisë së Himarës.
Kërkesa në Gjykatën e Durrësit do të shqyrtohet nga gjyqtari Rexhep Bekteshi. Deri tani të gjitha nivelet e gjykatave, e shkallës së parë, apelit, por edhe e Larta i rrëzuan të gjitha kërkesat për lirimin e tij nga qelia.
Aktualisht Beleri ndodhet në paraburgimin e Durrësit në pritje të gjykimit për akuzën e blerjes së votave. Ai u arrestua në 12 maj, dy ditë përpara zgjedhjeve lokale duke futur Shqipërinë dhe Greqinë në një spirale krize.
