Një 19-vjeçar me inicialet K. J., banues në fshatin Gjerë të Gramshit është arrestuar pasi dyshohet se i mori me dhunë një shumë parash një të moshuari.
Nga veprimet hetimore rezultoi se ditën e djeshme, në fshatin Poroçan, 19-vjeçari ka goditur me grushte dhe sende të forta, 82-vjeçarin me inicialet M. R., dhe i ka marrë atij 55 000 lekë, të cilat policia i ka gjetur dhe i ka sekuestruar në cilësinë e provës materiale.
82-vjeçari ndodhet në kujdesin e mjekëve, jashtë rrezikut për jetën.
Materialet procedurale i kaluan Prokurorisë pranë Gjykatës së Elbasanit, për veprime të mëtejshme.
