Leku e ka nisur javën i fortë. Euro me paundin kanë pësuar rënie, ndërsa dollari ka qëndruar në vendnumëro.
Sipas kursit të publikuar nga Banka e Shqipërisë, valuta europiane po këmbehet mesatarisht me 105.5 lekë.
Në raport me fundjavën, euro ka humbur 0.16 pikë. Në shitje, euro po këmbehet me 105.89 lekë, ndërsa po blihet me 105.12 lekë.
Duke e ndjekur nga pas në të njëjtën ecuri rënëse është edhe paundi britanik, ndërkohë që dollari amerikan ka filluar javën duke qëndruar në të njëjtat nivele pranë vijës së kuqe.
