Protestë e veçantë. Pa zhurmë. Pa kaos apo dhunë. Një pensionist zgjodhi që të protestonte i vetëm. Ai kërkoi nga qeveria dhe kryeministri Edi Rama që të kthente sytë nga kjo shtresë në nevojë.
“Kjo është një protestë që e bëj jo vetëm për veten time por për të gjithë pensionistët. Jetesa jonë nuk përballohet me pensionet që kemi.
Po ashtu edhe bonusi dhe indeksimi i miratuar së fundmi nga qeveria është sërish i pamjaftueshëm. Edi mos luaj me ditët e fundit të jetës sonë.
Sot po shpreh urrejtjen për deputetët që rritën pagën e tyre”, u shpreh pensionisti 80-vjeçar për gazetarët.
